Ons Prestasies
Ons eerste dogterspan het ‘n indrukwekkende rekord. Hulle was vir twee jaar agtereenvolgens, onoorwonne ligawenners.
Hier is ‘n blik op ons ander toekennings die laaste twee jaar:
Beste “Catcher”: Ons het ‘n uitstaande vanger in ons geledere.
Beste “Pitcher”: Ons “pitcher” is onverslaanbaar!
Beste “Batter”: Ons kolwers blink uit in die aanval.
Doelwitte
Ons doel is om ‘n omgewing te skep waarin kinders nie net die tegnieke van sagtebal kan bemeester nie, maar ook ‘n ware passie vir die spel kan ontwikkel. Ons glo dat sagtebal meer is as net ‘n sport; dit is ‘n platform vir persoonlike groei en selfontdekking. Ons fokus op die holistiese ontwikkeling van elke leerder, wat hul fisiese, emosionele, en sosiale vaardighede insluit. Ons streef daarna om ‘n balans te vind tussen die genot van sagtebal en die strewe na uitnemendheid. Terwyl ons elke speler aanmoedig om hul individuele doelwitte na te streef, beklemtoon ons ook die belangrikheid van spanwerk, sportmanskap, en respek vir mededingers. Ons is trots op ons vermoë om ‘n ondersteunende en positiewe atmosfeer te bied waarin leerders kan floreer. Ons uiteindelike doel is nie net om deel te neem nie, maar om as wenners uit die stryd te tree. Ons vier ons oorwinnings met trots, maar ons leer ook waardevolle lesse uit elke uitdaging. Ons glo dat hierdie benadering nie net lei tot sukses op die veld nie, maar ook die grondslag lê vir sukses in die lewe buite sagtebal.
Deelname
Met vier dogterspanne en twee seunspanne is daar ‘n plekkie vir elkeen. Ons is beoog om ‘n derde seunspan op die been te kry en wys ook niemand weg van oefening af nie.
Kostes en Toerusting
Klere is te koop beskikbaar by Totiusdal Handelshuis. Leerders kan hul eie kolf en/of handskoen aankoop, maar dit is nie ’n verpligting nie. Vir ’n beginner is die skool se toerusting meer as voldoende.
Afrigting
Ons het verskeie bekwame afrigters wat ‘n sterk span vorm en konstant besig is om hulself op elke moontlike vlak te bevorder. Buiten die afrigters wat ons het, span ons ook die hulp van provinsiale spelers in om spesialissessies aan te bied.
Oefentye
Oefening vind op Maandae, Dinsdae en Donderdae na skool plaas. Meer spesifieke tydroosters word tydens die seisoen aan spanne deurgegee.
Afrikaans