HTS John Vorster-netbal is ‘n groep dinamiese jong dames wat nie net die liefde vir die sport uitleef nie, maar dit ook geniet om in spanverband en individueel te groei. Hierdie groep dogters is toegewyd om sukses te behaal en met die hulp van betrokke en passievolle afrigters, straal hulle ‘n positiewe beeld van die skool uit.
Die eerste netbalspan by HTS John Vorster, volg ‘n aanhaling van die Captain America film wat sê: Ïf they hurt you, hurt them back. If they kill you, walk it off”. Hierdie waagmoed kan regdeur by al 8 spanne gesien word. Hierdie dogters veg altyd tot aan die heel einde en selfs al is die kans tot oorwinning hoe skraal, bly hierdie dogters veg totdat die eindfluitjie blaas.
Ons open en sluit elke wedstryd met gebed af omdat ons weet dat geen dogter haar talent sou kon uitleef en groei as dit nie vir God se genade was nie. Ons glo vas daarin dat ‘n gesonde liggaam ‘n gesonde gees sal huisves en daarom is ons trots om te sê dat netbal bydra tot die holistiese ontwikkeling van elke dogter wat netbal speel in HTS John Vorster.
Afrikaans